Dialog mabasa Bali

 MALAJAH KELOMPOK JAGI MAOSANG INDIK KRUNA SATMA

Ketut Riko sareng timpal nyane jagi malajah kelompok. Sampun kasungkemin/disepakati malajah kelompok ring umahné Ketut Riko

Mang dedy   :  Om Swastyastu.

 Ketut Riko         :  Om Swastyastu.  Yeehh Nyoman, ajak nyen mai? Dini laku negak

Mang dedy   :  Ampura tiang wau rauh.  Om swastyastu timpal ajak mekejang

Gede Arya           :  Om Swastyastu...

Nengah Kariasa   : Om Swastyastu

Mang Era  : Om Swastyastu

Nyoman Sukaryati  : Om Swastyastu

 Ketut Riko    :  Rumasa bagia pisan manah tiange nepuk timpal-timpal ramé pakedek pakeyung dini, suba nyak teka mai, yadiatun tongosé joh . Biasane yen tongose joh timpalé pragat ngekoh pesu.

Gede Arya              :  Yen cara padéwekan tiang, yadiastun joh ento tusing dadi halangan yen lakar malajah,  tiang pastika mautsaha/berusaha apang ngidaang teka... Sawireh yusa tiang kari muda, swadharma tiang wantah malajahang raga mangda benjang pungkur dados jadma maguna, kenten cara tiang.

Mang dedy   : mimih becik pisan baosné  Gede Arya.. Yakti punika .Iraga dados sisia mangda seleg  malajah, nenten ja maplalianan hape utawi main game kemanten.

Ketut Riko           : Inggih tiang cumpu indik napi sane kabaosang nika, iraga dados sisia lan generasi muda sapatutné jemet malajah... Nggih mangda nenten akeh nelasang galah, mangkin nglantur malajah indik kruna.

Gede Arya              :  Kruna  napi plajahin dumunan  timpal-timpal...?

Narendra   :  Sekadi tugas sané kaicen  antuk Bapak guru, kanikain ngrereh kruna satma.

Gedé Arya           :  Béhhh, Tiang ten uning napi punika kruna satma punika? Minabta timpal - timpal wénten sané uning nika.?

 Ketut Riko       :  Tiang uning nika akidik, yen ten iwang kruna satma punika ring bahasa Indonesia kabaos kata majemuk, yening sing pelih kruna satma kakepah dados tigang/3 soroh. Wantah amonto ane tawang tiang. Mungkin timpal ane lenan ada nawang.

Nyoman Sukaryati  : timpal - timpal ajak mekejang, tiang uning napi punika kruna satma lan kepahan sorohnyane . 

Gede Arya: nggih nyoman sukaryati, indayang mangkin sambatang napi manten nika?

Nyoman sukaryati: Nggih mangkin lakar sambatang tiang,  Kruna Satma inggih punika angkepan kalih kruna  sané suksman ipun wantah  asiki. Indik kepahan/bagian kruna satma punika manut padewekan tiang kruna satma nika kakepah dados 3 soroh minakadi : Kruna satma papadan, kruna satma tan papadan, kruna satma........... aduh di muncuk layah tiange niki..... napi malih siki timpal-timpal, dewek tiang engsap niki malih siki, minab timpal-timpal driki wenten sane uning.

Mang Era : mimihh, dueg timpalé, sing pocol malajah kelompok ajak nyoman sukaryati. Tiang uning kruna satma malih siki, kruna satma malih siki inggih punika kruna satma tawah/soleh

Nyoman sukaryati: behhh, Mang Era demen sajan ngajum timpalé. Ampura nggih tiang sing ngaba pis cenik.hahahaha

Ketut Riko : Inggih saantukan ampun makejang bakat kepahan kruna satma puniki, mangkin timpal-timpal mangda nglantur ngrereh/mencari imba/contoh soang-soang kepahan kruna satma punika punika. Tegarang Nengah kariasa dumun, minab taen ngwacen di buku indik imba/contoh kruna satma ento.

Nengah Kariasa  : Piihhh, jeg tiang oraina ngalih imba/contoh kruna satma simalu. Tiang polih ngwacen indik kruna satma papadan  punika, jani jelasang tiang malu abedik tentang kruna satma papadan ajak imba/contohnyane timpal -timpal. 

* Kruna Satma papadan kakepah malih dados kalih/2 soroh inggih punika:

1. Kruna Satma Papadan Matungkalik

 imba/contoh nyane 

• Mémé Bapa

• Peteng lemah

• Daa teruna

• Tua bajang

• Tegeh éndép

2. Kruna Satma Papadan Ngerasang Arti

• Kuning-gading

• Barak biing

• Olas Asih

• Alus banban

*Kruna Satma Tan Papadan

Inggih punika Kruna Satma sané kawangun antuk kalih kruna, nanging silih tunggil

kruna pinaka unteng, sané lianan pinaka keterangan.

• Gedang rénténg

• Galang kangin

• Biu Batu

Nggih wantah amonto ane tawang tiang indik kruna satma. Minabta ada timpal timpal ane nawang lan lakar menambkan indik kruna satma lianan.

Mang Dedy  :  Inggih tiang nawang kepahan kruna satma buin besik. Busan suba ka jelasang ajak nengah kariasa ada 2 soroh kepahan kruna satma. Ane jani tiang menambahkan buin besik ento kruna satma tawah. Jani lakar jelasang tiang apa ento kruna satma tawah. Kruna satma tawah inggih punika Kruna Satma sané kawangun antuk kalih kruna, nanging wantah silih tunggil krunannyané madué arti, yéning sampun kangkepang ring unteng ipun.

Contohnyane

• Selem ngotngot   

• Badeng ngiet

• Tegeh ngalik

• Peluh pidit.

Mang era           :  mimih jeg wikan - wikan timpal tiange maang penjelasan ajak maang imba/contoh indik kepahan kruna satma. Nggih sane mangkin tiang ngmaang penjelasan akidik indik cihna/ciri kruna satma punika. Sane nyinahang kruna satma punika minakadi;

Genah aksara punika tusing dados silurang,

Tan dados kaselagin antuk kruna-kruna tiosan,

Kruna kakalih sane maarti asiki.

Ni Nyoman Sukaryati ; piihhh jeg dueg sajan mang era. Lengkap suba penjelasan indik kruna satma, teges kruna satma, kepahannyane lan imba/contoh suba kajelasang busan. Sing kerasa gelis pisan pamargi galahe, nenten kerasa saget sampun wengi.

Ketut Riko           :  Inggih santukan sampun wengi, benjang malih lanturang malih malajah.

Mang dedy   :  Inggih puputang amuniki dumun indik malajah kruna satma, padalem nika Ni Nyoman Sukaryati sareng Mang Era nyanan ten bani budal.  tiang mangkin budal.. Tiang dumunan ngih timpal - timpal.

Gede Arya              :  Tiang pateh mangkin budal…